قصة حقيقية لشاب أراد أن يخطب فتاة في غزة

القصة يا أخوان اني بعد مازهقت من العزوبية و ‎‎( الدشارة‏‏ ) طول النهار في شوارع وسط البلد والسهر لنصاص ‏الليالي مع شلة حارة غليص ‏قررت اني اتجوز واكمل نص ديني . وليش لأ؟؟ أنا زلمة ‏كسّيب‎ويوميتي ماتقل عن تمانين شيكل وعندي غرفة ‏فوق دارنا بمطبخ وحمام متر في متر طبعا غير اني ‎‎شب حليوة ‏وعلى طول مشخّصو بصراحة بيني وبينكم عمري ‏الافتراضي بلش يخلص‎ فأنا قلت‎ ..‎خليني الحق حالي‎ . وفي يوم وانا قاعد مع الحجة على السطح ساعة ‏العصر ونازلين‎ ‎شف في براد الشاي رميت هالكلمة‎ ... ‎ - ‎ياما .. بدي اتجوز‎.‎-‎ أيش ياما؟؟بدك‎ ‎تتجوز ... ياحليلة .. والله وكبرت يامقلعط ‏وصاير زلمة‎ . ‎-‎له له له ياحجة يعني‎ ‎مابيطلعلي؟؟‎ -‎ لا ياما بيطلعلك ونص كمان .. ماشالله عليك زينة الشباب ‏والله ‎.. ‎ يخزي العين عليك .. ها .. و على مين حاطط عينك ‏؟‎ ‎ ‎"‎ انا زمان كنت عشقان وضحة‎ ‎بنت المختار بس الله يكسر ‏جاهه ابو الجماجم لطشها مني بسياسة الأمر الواقع‏‎ " ‎ - ‎بصراحة ياما مافي بنت محددة .. علشان هيك بلكن ‏دورتيلي على بنت حلال‎ ‎واهلها ناس مستورين‎ . ‎-‎ خلص ياما .. انا من بكرة ببلش اللف على بيوت الحارة ‏بيت‎ ‎بيت .. وانشالله برجع مجبورة .. ولا يهمك ياما‎ . ‎-‎ آآه .. بس بدك تعملي حسابك‎ .. ‎بدي اياها تكون حلوة
وتكون متعلمة .. ولو بتشتغل بيكون ‏احسن‎ ما انتي عارفة البير وغطاه‎ . ‎-‎ والله يامسخمط وبتتشرط كمان .. هع هع هع هع هع‎ . ( هاي ضحكة الحجة لما تكون مكيفة مني‎)تاني يوم بلشت الحجة تلفلف على‎ بيوت الحارة وتنقي ‏من هان ومن هان وانا كل يوم ماوراي شغلة الا استنى ‏في رجعتها‎ واسمع الأخبار ..ظلت على هالحال أكتر من ‏شهر.. بس لا حس ولا خبر .. وفي كل مرة‎ إتطلعلي ‏شغلة في الجماعة‎ ... هظول شايفين حالهم .. هاي منخارها كبير .. هاي قصيرة‎ .. ‎وهاي حولة .. ومن هالحكي‎ . انا قبّعت معي وحلفت وراسي الف سيف اروح مع الحجة‎ ‎وادور بنفسي .. ماهو انا اللي بدي اتجوز مش الحجة‎ ! ‎ ‎-‎اسمعي ياما .. انا‎ الحكي هاظ مابيزبط معي .. بدي اروح ‏معك .. واعاين بنفسي ؟‎ ‎-‎يخزيك يخزي... ولك‎ ‎عيب .. ايش بدك العالم تحكي علينا‎ ‎‎. ‎-‎مالي دخل ... يقولوا اللي يقولوه ... رايح‎ يعني رايح .. ‏ماهو حقي اشوف البنت واقعد معها وانا اللي اقول بتنفع ‏ولا مابتنفع‎ . ‎ وفعلا صرت الفلف مع الحجة كل يوم .... اول بيت .. بيت ‏ابوسمير ... وبيت‎ ‎ابو سمير يا اخوان مسيطر عليهبصراحة ‏أم سمير ... وابوسمير بإختصار مجرد طنجرة في‎ البيت !! ‏ومش غلط الواحد يكون طنجرة في بيته
بس مش ‏على طول الخط زي ابو سمير ‎!! ‎فتنا عليهم وأنا شايل ‏في ايدي كيس موز ونص كيلو كنافة وبعد ‏السلامات‎ ‎والتحيات والمباوسات .. بلشت ام سمير تغرد‎ ‎‎.... ‎-‎ ها يا ميكي .. وانت بلا صغرة ايش بتشتغل ؟؟‎ - ‎‎( رأس مالي) ياخالة‎ . ‎ -‎ايش ؟؟‎ ‎ -‎رأس مالي .. يعني شغال لحسابي‎ .‎-‎ اه فهمت .. بس ايش بتشتغل‎ ‎يعني ؟‎ نطت الحجة ( لإنقاذ الموقف‎) .... ‎-‎ الٌعقبة لسمير ابنك .. ميكي عنده بسطة‎ ‎تين شوكي ‏في وسط البلد ماشا الله عليها .. يوميتها ولا موظف ‏الحكومة .. غير انه حر‎‎نفسه .. لا حد يتحكم فيه ولا ‏يخصم عليه .. ولا يذل اهله منشان سلفة‎ . ‎-‎ ما شاء ‎‎الله.. الله يحفظلك اياه يا ام ميكي‎ .‎‎ شويودخلت سميرة بنتهم‎‎بكاسة الشاي .. اسم الله ‏عليها .. طول وبياض .. وعيون ولا عيون سميرة توفيق.. ‏ولزقت جنب إمها ... أنها تفتح تمها .. انها ‏تبربش ..ابداًحاطه عيونها‎ في الآرض ولا كلمة . زي ‏الأرنب‎‎انا بيني وبين نفسي قلت‎ ‎يمكن خجلانة والأدب نزل عليها ‏‏.. بس الخجل والأدب في هيك حالة مابينفع ..ماهو لازم‎ أعرف ايش انا بتجوز ولا هي الشغلة بطيخة ياحمرة ‏ياقرعة ‎ ...‎‎ ‎ -‎ها والأخت سميرة ايش‎‎دارسة ؟‎ ‎- ............... ‎ -‎طيب ايش رأيك في حسني مبارك؟‎ ‎- ................ ‎-‎ برشا ولا مدريد‎- .................. ‎-‎ همممم .. شو رأيك في اللي بيصير في‎‎العراق؟‎ " ‎لازم ابين اني زلمة مسقف وبفهم في كل شي‎ "‎‎ المهم انا اسأل فيها‎ .. انا ماعجبني الوضع‎ وهي لا من كمها ولا من فمها .. زيها ‏زي الكرسي اللي قاعدة عليه ‎بس ‏البنت الله يستر عليها بتستاهل الواحد يصبر شوي‎ .... ‎‎ ‎-‎ خالتي ام سمير‎ ... ‎شكلها ( الأخت ) سميرة مستحية ‏‏!! انتي فهمتيها ليش جايين ولا مفكراها زيارة‎ ‎عائلية؟؟‎ ‎-‎ لا يابنيي .. كيف لعاد .. بس بتعرف .. البنات بيخجلن من ‏هيك شغلات‎ .. ‎-‎آآآه طيب ياخالتي خلينا احنا نستأذن .. و ان شاء الله الجمعة ‏الجاي بنميّل عليكم‎ . ‎-‎ان شاء الله .. ان شاء الله‎ سكّروا الباب ورانا من‎ هان ، وماسمعت الا صوت سميرة ‏بيلعلع‎ ‎‎ قثمن بالله قثمن‎ ‎باللهما باتذوّذو ولو ثو ما ثار .. على اخر ‏الذمن اتذوّذ تبع بثطة تين ثوكي‎ .‎‎ ‎(!!!!!!!)‎‎ طيييييييب ياثميرة‎ .. ‎فوق انك طلعتي طرمة كمان مابدك ‏تتجوزيني ..!.. بثيطة .. بثيطة‎. ‎ ومارجعنا‎ عليهم يوم الجمعة‎ !!!.ربنا يرزق الشباب الزوجات الصالحات ويرزق الشابات الزوج الصالح